Deichmans julekalender: 2. des.

Katrine Judit Urke på Bøler og Oppsal filialer anbefaler Western Desert av Rønnaug Kleiva.

Bokomslag: Samlaget

I år kom Rønnaug Kleiva med den bittelille og lekre novellesamlinga, Western Desert, som eg hadde stor glede av å lese.

Gjennomgåande tematikk er parforhold og det handlar òg mykje om reising. Den beste novella synest eg er den som har same tittel som boka. Her er sorg etter 22. juli fletta inn på ein svært sterk måte. Ei anna novelle som har sett seg er ei som handlar om eit underlig tema, nemleg korleis det er å vere forfattar når ein annan forfattar døyr. Her er det mange som nærast skryt på seg at dei kjende den daude betre enn dei gjorde og skriv nekrologar for å gi inntrykk av eit nært forhold medan sannheita er at dei knapt kjende vedkommande …

Alt i alt er desse novellene kjempegode og varierte og mange er så korte at du rekk å lese dei på ein liten T-bane-tur. Og det kan jo ofte vere veldig kjekt!

I årets julekalender trekker vi ut gode, røde bøker fra hyllene. Hver dag i advent gir vi tips til nye leseopplevelser.