Fremtidens forfattere: Sigrunn Sandstad Dalen
Les upubliserte dikt, kortprosa og fortellinger skrevet av fremtidens forfattere!
I desember kan du bli kjent med studentene ved Forfatterstudiet i Bø og deres tekster her på Deichmans litteraturblogg.
I romjula publiserer vi nytt materiale hver dag. God jul!
Foto over: Gavin Hellier, Robert Harding World Imagery, Universal Images Group (Rights Managed /For Education Use Only)
Under kan du lese en tekst av Sigrunn Sandstad Dalen og nederst kan du bli bedre kjent med Sandstad Dalen selv.
Eg kan denne bygda i blinde. Eg kan teikne ei nøyaktig linje av horisonten i eitt pennestrøk, utan å sjå opp. Eg kan alle plankane på alle bruene, over alle elvene, langs alle stiane, eg veit akkurat kor mange minutt som trengs for å gå, sykle, køyre, uansett kor eg skal. Eg kan luktene på rådhuset, på bedehuset, i kinosalen, på postkontoret, i banken, mest av alt kan eg lukta på puben. Eg kan historia om då nyttårsorkanen blåste taket av barneskulen, eg var der då brannstasjonen brann ned, og då ei campingvogn utan bremser rulla ut i hamnebassenget. Eg kan namna på alle bygdetullingane utanfor kiosken, eg veit kvar ein får kjøpt øl når ein er under atten, eg veit kva frekvens ein må stille inn på for å høyre radiobingoen på onsdagar.
Om du vil så kan eg vise deg kor eg drakk meg full for første gang, eg kan ta deg med til den steinen på kaia der eg alltid får fisk. Eg kan fortelje deg om lyktestolpen eg kræsja i med sykkel, eg kan vise deg bulken som enno er der.
Vi kan gå gjennom nabolaga og eg kan sei kven som bur i kvart hus, eg kan fortelje deg kor mange skritt det er frå mitt hus til alt.
Du kan spørje meg kvifor eg ikkje vil reise, kva det er eg har å halde fast i her, kvifor det betyr så mykje.
Det kan eg ikkje svaret på.
Bli kjent med forfatterstudent:
Sigrunn Sandstad Dalen
Hvem er Sigrunn Sandstad Dalen?
Verdas vanskelegaste spørsmål! Eg er 22 år i alle fall, oppvokst i Volda, og så er eg ei jente/kvinne alt ettersom. Og så er eg flink til å slappe av, har eg fått høyre.
Hva drømmer du om å publisere?
Om ein skal draume så hadde det vore svært å gi ut ei novellesamling eller ein roman.
Hvilken litterær sjanger liker du best å skrive innenfor og hvorfor?
Det er eigentleg først no på forfattarstudiet at eg har tatt særleg stilling til kva sjanger eg likar best, tidlegare har eg berre skrive, og latt det stå slik det er. Men det er nesten alltid prosa, i ein eller anna form. Eg ser at eg ofte treng ein del tid både i teksta og i skriveprosessen for å få fram noko meiningsfult, eg kan gjerne bruke mange sider på å skildre eitt personlegheitstrekk eller ein tanke i ein karakter.
RSS - innlegg